Giroud ka kërcënuar Interin para ndeshjes gjysmëfinale në Champions League. Sipas të gjitha gjasave, Milani duhet të bëjë pa Leao në këtë përballje. Megjithatë Giroud premton se do të shënojë kundër zikaltërve ashtu siç ka bërë edhe më parë. “San Siro është një vend special, veçanërisht kur bëhet fjalë për derbi.
Champions League është prestigj për ne dhe një ekip i Milanos do të jetë në finale. Në Serinë A kam shënuar tre gola në tre ndeshje kundër Interit, madje kam dhënë edhe dy asiste. Pra i kam shumë të mira statistikat kundër tyre. Por mbaj mend edhe atë humbjen në Superkupë që ata na dominuan pastër”, tha Giroud. /Elio Hajdari-Sport Ekspres/