Në momentin kur Vlahovic firmosi me Juventusin, Allegri e krahasoi me nivelin e Mbape. Megjithatë sulmuesi serb është ende shumë larg krahasimit me francezin. Kjo dashuri e madhe mes trajnerit dhe lojtarit është shuar disi. Madje ka shkuar deri në atë pikë sa Allegri të aludojë se Vlahovic nuk po sakrifikon për Juventusin.
Sipas mediave italiane ka pasur një përplasje mes trajnerit dhe sulmuesit serb. Tekniku i bardhezinjve mendon se Vlahovic nuk po sakrifikon pak më tepër dhe të rrezikojë disi në këto momente vendimtare për Juventusin, por po pret ende i qetë deri në rikuperimin e tij të plotë. Një diskutim i tillë ka lindur para ndeshjes së fundit mes Juventusit dhe Interit. /Sport Ekspres/