Pas deklaratës së ish-presidentit të FIFA-s, Blaterit, se Katari bleu të drejtën për të organizuar Kupën e Botës, të tjera akuza vijnë për shtetin nga Lindja e Mesme. Paratë janë e vetmja gjë që nuk mungon në Katar dhe duket se dëshirojnë ti përdorin sa më shumë për të pasur sukses. Një lajm i bujshëm vjen nga Amjad Taha. Gazetari arab pretendon se lojtarët e Ekuadorit janë korruptuar për të lënë ndeshjen hapëse me rezultatin 1-0.
“Katari korruptoi 8 lojtarë të Ekuadorit me 7.4 milionë dollarë për të humbur ndeshjen hapëse (1-0, gol në pjesën e dytë). Pesë të brendshëm nga Katari dhe Ekuadori e kanë konfirmuar. Shpresoj të jetë gënjeshtër. Shpresoj ta shpërndajmë këtë dhe të ndikojmë te rezultati. Bota duket ta kundërshtoje korrupsionin e FIFA-s”, shkruan Amjad Taha. Ende nuk dihet nëse ngjarja është e vërtetë, apo mbetet thjesht një pretendim nga gazetari arab./Halit Delibashi-Sport Ekspres/
Exclusive: Qatar bribed eight Ecuadorian players $7.4 million to lose the opener(1-0 ?? 2nd half). Five Qatari and #Ecadour insiders confirmed this.We hope it’s false. We hope sharing this will affect the outcome.The world should oppose FIFA corruption.@MailSport #WorldCup2022
— Amjad Taha ???? ?? (@amjadt25) November 17, 2022