Reja ka zbuluar gjithçka në një intervistë të fundit për mediat në Itali. Trajneri i Shqipërisë ka zbuluar disa prapaskena sa i përket legjionarëve shqiptarë. Për ta nisur nga dëshira e Napolit për të marrë Armando Brojën, te Kumbulla dhe Asllani.
“Napoli e donte Armando Brojën. Madje ata kanë folur edhe me ne, por Broja vendosi që të qëndronte te Chelsea, klubi i rinovoi kontratën. Kumbulla dhe Asllani nuk janë shumë të lumtur. Janë në dy klube të mëdha, por unë shpresoj se do të huazohen në janar. Në moshën e tyre duhet të kenë më shumë minuta”, u shpreh Reja. /Elio Hajdari-Sport Ekspres/