Partizani ka arritur që të fitojë thellë ndaj Teutës së Shkëmbit në shifrat 1-4. Të kuqtë kaluan të parët në avantazh nëpërmjet Hotit, pas 2 minutash loje, teksa gjithçka u barazua me anë të Grudës. Më pas ishte Da Silva, sërish Hoti dhe Skuka që vendosën historinë e takimit. Kështu kryeqytetasit dalin nga një moment jo i mirë, ndërsa “djemtë e detit” fundosen sërish. Nga krahu tjetër Vllaznia i ka marrë një fitore Bylisit, nga ato që janë jo pak të hidhura. Shkodranët ishin cinik duke fituar me shifrat 2-1 falë golave të Markut dhe Jonuzit.
Damcevski do të shkurtonte diferencat në të 82, por kjo nuk mjaftoi që ekipi i tij të dilte me pikë. Perla e Jonuzit do t’i godiste ballshiotët në momentin e tyre më të mirë ku kërkohej barazimi, teksa e ngritën jo pak nivelin në pjesën e dytë. Në fund Qardaku humbi dy raste të pabesueshme i gjendur para portierit të Vllaznisë, ku në një prej tyre kërkohej penallti. Shumë polemika në drejtim të arbitrit nga ballshiotët në fundin e takimit, teksa vërshëllima e trefishtë i hoqi aksionin e fundit nga goditja e këndit Bylisit./Sport Ekspres/
Teuta-Partizani 1-4 Gruda 16’/Hoti 2′, 31′, Da Silva 21′, Skuka 77′
Teuta: Teuta: Dema, Idrizaj, Kuros, Jazxhi, Marku, Karabeci, E.Vila, L.Vila, Gruda, Çyrbja, Hebaj
Partizani: Rexhepi, Bitri, Buxhelaj, Hadroj, Sota, Rrapaj, Murataj, Hoti, Matondo, Da Silva, Skuka
Vllaznia-Bylis 2-1 Herald Marku 38′, Jonuzi 71’/ Damceski 82′
Vllaznia: Zogoviç, Bulatoviç, Gurishta, Smajli, Marku, Kruja, Juriç, Mala, Alivoda, Hoxhaj, Aralica.
Bylis: Teqja, Trumci, Damcevski, Qoshku, Lorran, Macolli, Janku, Perreira Da Silva, Kacorri, Lajthia, Beji.