Vinicius Xhunior ka hapur debate në Spanjë me mënyrën e festimit të tij. Braziliani zgjedh të kërcejë pasi shënon gol, çka nuk pritet mirë nga një pjesë e opinionit sportiv, pasi e konsiderojnë mungesë respekti për kundërshtarët. Presidenti i Shoqatës së Agjentëve Spanjollë shkon larg me fjalët e tij për Viniciusit, duke e krahasuar kërcimin e tij me sjelljen e majmunëve.
“Ju duhet të respektoni kundërshtarin tuaj. Nëse doni të kërceni, shkoni në paradën e sambës në Brazil. Në Spanjë ju duhet të respektoni rivalët tuaj dhe të ndaloni së luajturi majmunin”, ka thënë Pedro Bravo./Halit Delibashi-Sport Ekspres/