Pas suksesit tek Al Ahli, Xavi po bën të njëjtën gjë tek Barcelona, e cila dukej se kishte humbur identitetin. Trajneri spanjoll ka zgjedhur lojtarët e duhur për skemën e tij dhe është duke marë frytet në fushë. Me fitoren e djeshme ndaj Cadiz me rezultatin 0-4, Xavi Hernandez ka barazuar rekordin e Zinedine Zidane.
Tekniku spanjoll siguroi 17 ndeshje radhazi pa humbje, i cili ishte vendosur nga Zinedine Zidane në kohën kur ishte trajner i Realit të Madridit. Në ndeshjen e ardhshme Barcelona do të luajë ndaj Elche dhe Xavi do të ketë mundësinë të thyejë rekordin e vendosur nga francezi. /Elio Hajdari-Sport Ekspres/