Casemiro do të ndërrojë skuadër pas 9 viteve në radhët e Realit të Madridit. Mesfushori me tipare mbrojtëse dëshiron një eksperiencë të re në karrierë dhe ka kërkuar të largohet nga “los blancos”, ku lë pas një pasuri të vërtetë trofesh dhe suksesesh të arritura. Braziliani ka arritur akordin me Manchester United-in, i cili ka paguar plot 70 milionë euro për kartonin e tij. Casemiro nënshkruan për 4 vite në Premier League, me opsion edhe për një vit tjetër.
Lajmin e konfrimojnë vetë “djajtë e kuq”, që përmes faqes zyrtare njoftojnë se është arritur marrëveshja në parim. Pengesë mbetet vetëm pajisja me vizën angleze dhe kalimi i testeve mjekësore. Ndërkohë Reali i Madridit ka falenderuar 30-vjeçarin përmes kanaleve zyrtare në rrjetet sociale, ku ka shpërndarë një video me momentet e tij më të bukura me klubin spanjoll, me të cilët numëron plot 5 Champions League të fituara./Halit Delibashi-Sport Ekspres/
We are delighted to have reached an agreement in principle for the transfer of @Casemiro ??#MUFC
— Manchester United (@ManUtd) August 19, 2022