Guardiolan e kemi parë shpesh që të lërë gjurmën e tij në ekipet që merr përsipër, pavarësisht emrave të mëdhenj që zotëron në skuadrat e tij. Gjithmonë është trajneri në fjalë që del mbi yjet dhe kjo është vlerë e shtuar e Guardiolës. Në jo pak raste ndodh që ky teknik të eksperimentojë me zgjedhjet e tij, si në rastin kur Vidal u kthye nga mesfushor në qendër mbrojtës.
Nga lind kjo ide e Guardiolës? Gjithçka e shpjeguar vetë: “Cryuff më ka thënë mua se një mesfushor krahu kur luan si mbrojtës krahu, mund të kthehet në mbrojtësin e krahut më të mirë. Kur një mesfushor shkatërrues mund të luajë si mbrojtës qendre, atëherë kthehet në mbrojtësin e qendrës më të mirë”, u shpreh Guardiola. /Elio Hajdari-Sport Ekspres/