Disa vite më parë, askush nuk mund ta imagjinonte se Lionel Messi dhe Sergio Ramos do të luanin në të njëjtin ekip. Ata ishin rivalë të mëdhenj për më shumë se dhjetë vjet duke luajtur për Barcelonën dhe Real Madridin, respektivisht, dhe sot të dy mbrojnë ngjyrat e PSG-së.
Të dy mbërritën në PSG një vit më parë dhe sot luajnë në të njëjtin klub, gjë që ishte e paimagjinueshme për shumë pak vite më parë. Rivaliteti nuk u zhduk brenda natës në Paris, siç u pa në stërvitjen e djeshme të klubit francez.
Përkatësisht, Messi dhe Ramos kanë pasur konfliktin e tyre të parë verbal në stërvitjen e PSG-së. Në një aksion Ramos iu hodh Messit në këmbë, gjë që nuk i pëlqeu aspak argjentinasit dhe këtë ia tha qartë Ramos.
Messi u zemërua që Ramos e goditi ashtu pa nevojë dhe për fat nuk e lëndoi. Argjentinasi dhe spanjolli patën një konflikt të shkurtër verbal, por për fat gjithçka u ndal shpejt dhe stërvitjet vazhduan me ritëm normal. /Sport Ekspres/
Messi angry and arguing with Ramos after he tackled Messi hard in training ? pic.twitter.com/dMRXDqzHEU
— Xabhi ? (@FCB_Lad) July 24, 2022