Tirana luan sot aktin e parë kundër Zrinjskit. Bardheblutë presin boshnjakët në orën 20:00 në stadiumin “Air Albania” në sfidën e parë të turit të dytë të Ligës së Konferencës. Trajnerët kanë bërë përzgjedhjet e tyre dhe kanë publikuar tashmë formacionet zyrtare më të cilat do të kërkojnë fitoren.
Orges Shehi ka hedhur nga minuta e parë Qefalinë dhe Hasanin, duke ulur në stol Totren dhe duke hequr dorë nga De Silva. Ndërkohë Seferi dhe Xhixha do të jenë edhe këtë herë kërcënimi kryesor i Tiranës, me dyshen që do të përpiqet të bezdisë mbrojtjen e Zrinjskit./Halit Delibashi-Sport Ekspres/