Southampton duket se do të vazhdojë që të ndiqet nga tifozët shqiptarë si të jetë “Kombëtarja jonë”. Ndoshta jo në të njëjtën masë sa më parë, pasi Armando Broja bëri që të gjithë tifozët shqiptarë të ndiqnin përballjet e ekipit anglez, me të njëjtin përjetim si të luante Shqipëria.
Por tani ka ardhur koha që rrugët të ndahen me sulmuesin. Sipas mediave britanike, Southampton ka shprehur interesimin për Thomas Strakoshën dhe ka hyrë në garë për të marrë shërbimet e tij. Lehtësimi është i madh pasi gardianit të Kombëtares i përfundon kontrata në verë dhe mund të merret pa kosto. /Sport Ekspres/