Rusia vijon të mbetet e dënuar me mospjesëmarrje në kompeticionet e UEFA-s dhe të FIFA-s, pork jo duket se nuk e pengon Federatën të shohë nga e ardhmja. Rusët kanë hedhur zyrtarisht kandidaturën e tyre për të organizuar Euro 2028 dhe Euro 2032.
UEFA ka publikuar ofertat zyrtare të mbërritura në tryezën e saj, teksa afati i fundit ishte vendosur data 23 mars. Rusia, Turqia si dhe Federatat e Mbretërisë së Bashkuar së bashku me atë të Irlandës (Republika e Irlandës, Anglia, Skocia, Uellsi, Irlanda e Veriut) kanë shprehur zyrtarisht dëshirën për të organizuar Kampionatin Europian në vitin 2028.
Ndërkohë Rusia dhe Turqia kanë shkuar edhe përtej, duke kërkuar organizimin e Euro 2032. Për këtë kompeticion dy shtetet e sipërpërmendura do të kenë edhe konkurencën e Italisë. Vendimi përfundimtar nga UEFA do të merret në shtatorin e vitit 2023./Sport Ekspres/
?? UEFA has received declarations of interest to host the 2028 and 2032 editions of the UEFA EURO from four potential bidders following today’s deadline.
?? The appointment of hosts for both tournaments will be made in September 2023.
— UEFA (@UEFA) March 23, 2022