Florian Riza ishte i ftuar në emisionin “Ora Sport” në “Ora Neës”. Teksa është folur për Shoqatën Rajonale të Tiranës dhe Eduard Prodanin, Riza është shprehur se fitorja e tij ka ardhur në skutat e errëta dhe jo në zgjedhjet normale ku fitoi Alimehmeti.
“Më vjen keq për Prodanin. Nuk e njeh njeri Prodanin këtu më shumë se mua. E kanë futur në lojë kot këta të politikës. Nuk kishte arsye të futej në këtë polemikë. Zgjedhjet janë zgjedhje dhe duhet të jesh krenar kur zgjidhesh. Por nëse e merr nëpër skuta të errëta, nuk ke lavdi. Kur zgjidhesh siç duhet, atëherë ti ke lavdi dhe krenari që njerëzit votuan për ty”, tha Riza. /Sport Ekspres/