Skënderbeu-Vllaznia 2-2 Nikaj 24′, Zguro 81′ p / Da Silva 41′, Mustedanagic 52′
Pas 7 humbjeve radhazi, Skënderbeu ka marrë pikën e parë në barazimin 2-2 ndaj Vllaznisë. Një ndeshje e cila pritej të ishte e tensionuar dhe ashtu rezultoi. Të dy ekipet kërkonin me patjetër fitoren, ndërsa pjesët ishin të ndara në po të njëjtën mënyrë.
E para u dominua nga Skënderbeu, me shumë raste të humbura para portës së Zogovic. Por goli erdhi nga Nikaj në të 24 që mposhti portierin e Vllaznisë dhe si një shkodran, nuk zgjodhi të festojë. Rezultati do të barazohej nga Da Silva në të 41 pas një gabimi të Rexhepit, teksa i duhej vetëm të shtynte topin në rrjetë.
Por gafën e pjesës së parë, Rexhepi e shlyen në të dytën ku mohoi dy super gola nga distanca. Mustedanagic përmbysi shifrat në minutën e 51 dhe kulmi i tensioneve arriti në të 82. Arbitri jep penallti në favor të Vrapit pasi kishte një kontakt me Zogovic, që e mbajti me duar. Portieri i Vllaznisë nuk ishte dakort me penalltinë, ndërsa kryesori i takimit e pa me VAR.
Kur u rikthye, jo vetëm që u dha 11-metërshi, por u shoqërua me një karton të kuq. Zogovic ka mbetur i befasuar dhe është shtrirë në tokë, duke mos i besuar vendimit. Gjithë inatin nisi që ta shfrynte te fanella e tij, më pas ka shkuar drejt arbitrit mes toneve të ashpra. Lojtarët e Vllaznisë e kanë hequr me forcë, por janë dashur disa minuta që Zogovic si një “bishë e tërbuar”, të dilte nga fusha e blertë. Në fund, duket se Vllaznia e ka të pamundur që të mbyll ndeshjen me 11 lojtarë ku thuajse në çdo ndeshje sheh kartonin e kuq. /Sport Ekspres/
81′ Zguro shënon me penallti dhe Zogovic ndëshkohet me të kuq. Portieri i Vllaznisë ndërhyn me duar ndaj Vrapit duke i hequr mundësinë e golit. Skena që nuk i kishim parë më herët, Zogovic nuk do të dali nga fusha, Skënderbeu-Vllaznia 2-2.
52′ Krymi pason bukur për te Mustedanagic dhe ky i fundit gjendet i vetëm para portierit. Topi gjen cepin e rrjetës, Skënderbeu-Vllaznia 1-2.
41′ Pasim nga e majta te Vllaznia dhe Rexhepi nuk shfaq siguri me ndërhyrjen e tij. Topi lihet në zonë dhe Da Silva duhet ta shtyjë sferën në rrjetë, Skënderbeu-Vllaznia 1-1.
24′ Harkim i bukur i Zguros nga e majta dhe Nikaj mposht Zogovic me kokë. Nuk zgjedh të festojë pasi ka dalë nga ekipet zinxhere të Vllaznisë, Skënderbeu-Vllaznia 1-0.
Skënderbeu:Rexhepi, Zguro, Vitija, Gonçalves, Pusi, Bajrami, Nikaj, Frashëri, Dvumfor, Mensah, Shehi
Vllaznia: Zogoviç, Dianje, Adili, Krymi, Latifi, Jonuzi, Gjurgjeviç, Kruja, Bulatoviç, Mustedanagiç, Da Silva