Thomas Strakosha është drejt “divorcit” me skuadrën e Lazios. Trajneri italian, Maurizio Sarri e ka bërë të qartë që 26 vjeçari nuk është në planet e tij dhe i ka kërkuar të gjejë një skuadër tjetër, ku mund të jetë titullar. Drejtuesit e Lazios janë vënë në lëvizje për të gjetur zëvendësuesin e tij.
Alternativa e parë është Guliermo Vikario, i cili është në huazim tek Empoli, por është në pronësi të skuadrës së Cagliarit. Një emër tjetër është dhe Davide Ospina, por ky i fundit pritet të qëndrojë te Napoli. Maurizio Sarri e ka shprehur të qartë se dëshira e tij kryesore është ish portieri i tij i Chelseat, Kepa. /Elio Hajdari-Sport Ekspres/