Independiente Petrolero ka fituar titullin kampin të Bolivisë falë fitores në frymën e fundit kundër Guabira Montero. Në fakt ishte “Shaqiri” i Paraguajit ai që ka sjellë trofeun në duart e skuadrës amerikano-jugore. Juan Godoy ka shënuar golin e fitores në minutën e 97 të takimit dhe e ka dërguar skuadrën e tij në vendin e parë me vetëm një pikë më shumë nga ndjekësi më i afërt.
Godoy është një 28-vjeçar nga Paraguaji, por që në Amerikën e Jugut ka marrë nofkën “Shaqiri” për shkak të ngjashmërisë fizike me futbollistin shqiptar. “Me një gol të “Shaqirit” paraguajan Indipendiente Petrolero është kampione e Bolivisë”, është titulli me të cilin “versus.lancion.com.py” e ka hapur artikullin e saj, ku në qendër të vëmendjes ka pasur pikërisht Godoy-n./Sport Ekspres/