LIVE, Dinamo-Partizani 1-1 Ibraimi 15’/ Xhunior 76′ (p)
Dinamo-Partizani, sa shumë i kishte munguar ky derbi Superiores. Skuadrat dhuruan spektaklin e premtuar në fushën e lojës. Derbi i parë i kryeqytetit fali emocione të veçanta me lojën e zhvilluar në fushën e “Elbasan Aarenas”, megjithëse në fund nuk nxorri asnjë ekip fitues.
Dinamo befason të kuqtë në minutat e para të takimit, teksa kapiteni Ibraimi tundi rrjetën që në minutën e 15. E pavarësisht kësaj pjesa e parë do të mbyllej në mënyrë aspak të mirë për nëndetësen, pasi Sofranac largohet me karton të kuq.
Por te qenurit me një lojtar më pak për më shumë se 45 minuta nuk e ndaloi Dinamon ti rrëmbente pikë Partizanit. Këta të fundit barazuan në minutën e 75 me anë të një penalltie. Menjëherë pas këtij momenti demat e kuq u hodhën në sulm për golin e përmbysjes, i cili nuk erdhi deri në vërshëllimën përfundimtare të arbitrit. Momentet e fundit të lojës dhuruar tepër emocione, pasi të dyja ekipet dëshironin të rrezikonin për të fituar./Halit Delibashi-Sport Ekspres/
Dinamo: Harizaj, Imami, Sofranac, Siljanovski, Isaevski, Demiri, Samake, Sidibe, Ibraimi, Mihana, Çinedu
Partizani: Hoxha, Belica, Sota, Shehi, Marku, Musta, Rrapaj, Kaçe, Mala, Cara, Xhunior