E pamundura ndodh në futboll! Dëshmia më e pastër i përket Sherif Tiraspolit që arriti të mposhte me shifrat 1-2 në transfertë Realin e Madridit. Për spanjollët kjo ishte një nga humbjet më të turpshme në historinë e tyre. Por kush është Sherif Tiraspoli? Kampionët moldav e kanë nisur nga turi i parë në Champions League atje ku do të eliminonin kampionët e Shqipërisë, Teutën.
Të krijuar në vitin 1997, vlera e Sherif Tiraspolit është shumë modeste në treg. E gjithë skuadra e tyre kushton vetëm 13 milionë euro ose e thënë ndryshe, vetëm dy herë më tepër se Partizani i Superiores tonë. Pra përballë një buxheti që nuk mund të krahasohej në asnjë aspekt, Sherifi ia doli mrekullisht. /Sport Ekspres/