Një trajner shqiptar do të marë drejtimin e Kombëtares së Australisë në sportin e Hendbollit. 49 vjeçari, Taip Ramadani jeton në Australi dhe ka vendosur të ketë një ndryshim në karrierën e tij. Lajmin e ka bërë të ditur vetë Federata e Hendbollit te Kosovës në një postim në “Facebook“.
Kujtojmë se Taip Ramadani ka qenë më parë trajneri i Kosovës nga prilli i vitit 2016 e deri në fillim të këtij viti. Në pamundësi për të udhëtuar nga Australia për shkak të kufizimeve që solli pandemia, trajneri ka hequr dorë nga posti i trajnerit të Kosovës./Elio Hajdari-Sport Ekspres/