Reali i Madridit ka luajtur sot ndeshjen e dytë në La Liga, me një përplasje të çmendur kundër Levantes. Sfida ishte mjaft e ndezur dhe prodhoi plot 6 gola. Skuadra e Ancelotti-t nuk e pati aspak të vështirë të gjente rrugën e rrjetës, duke kaluar në avantazh që në minutën e 5 të takimit. Një gol i hershëm bëri të mendohej se fitorja do të ishte e gjitha për “los blancos”, por loja foli ndryshe.
Levante kundërpërgjigjet që në sekondat e para të pjesës së dytë, ndërsa 11 minuta më vonë do të merrnin edhe epërsinë e ndeshjes me anë të Campana. Vinicius Junior kthen përsëri baraspeshën në minutën e 73, por nuk vonon shumë që Pier të kthejë përsëri kartat në favor të Levantes.
Megjithatë madrilenët nuk heqin dorë nga kjo sfidë dhe kur mbeteshin edhe 5 minuta nga koha e rregullt tundin përsëri rrjetën. Ishte sërish Vinicius Junior ai që shpëton Realin nga humbja me anë të një supergoli të realizuar./Halit Delibashi-Sport Ekspres/
https://twitter.com/CompsRM/status/1429560267126550535