Drita ka regjistruar një rezultat mjaft pozitiv në Uefa Conference League, duike ndalur në një barazim në shtëpi Feynoordin e Hollandës. Kjo përballje u zhvillua në stadiumin “Fadil Vokrri” të Prishtinës, teksa në fushë për Dritën ishin plot 6 futbollistë që në të kaluarën janë aktivizuar në Kategorinë Superiore. Bëhet fjalë për portierin Maloku, mbrojtësin Cuculi, mesfushorin Vucaj, si dhe Arbnor Muja, Fazlliu dhe Ajzeraj.
Feynoord ishte dukshëm favorite në këtë ndeshje si dhe mjaft dominante në fushën e lojës, megjithatë mbrojtja e skuadrës kosovare arriti të mbajë portën e paprekur. Rezultati 0-0 është mjaft i rëndësishëm për Dritën, që bën mrekullinë përballë një skuadre të madhe dhe me emër si Feynoord./Elio Hajdari-Sport Ekspres/