Mosthirrja e kapitenit të Spanjës, Sergio Ramos erdhi si një shok për tifozët, të cilët e kanë parë ish mbrojtësin e Realit të Madridit si liderin e tyre në fushë. Mungesa e Ramosit në fushë ka rezultuar në shumë gola të pësuar nga Spanja, por trajneri Luis Enrique ka arritur ta dërgojë skuadrën e tij në gjysmëfinale dhe fituesi nuk gjykohet.
Edhe pse nga shtëpia, Sergio Ramos nuk ka treguar asnjë shenjë mllefi ndaj drejtuesve të Spanjës, duke treguar se di të jetë një kapiten edhe jashtë fushës së gjelbërt. Ditën e djeshme, Ramos shpërndau një video duke kënduar himnin dhe duke inkurajuar shokët për të dhënë maksimumin dhe këta të fundit ja shpërblyen me fitore. /Elio Hajdari-Sport Ekspres/