Debati se kush është lojtari më i mirë në botë ka qenë dhe do të jetë prezent për vite me radhë në futboll. Lionel Mesi dhe Kristiano Ronaldo janë futbollistët që përmenden nga analistët e futbollit. Por Van Nistelrooy ka deklaruar në një intervistë se Lionel Mesi është më i miri në botë dhe asnjë lojtar tjetër nuk mund t’i afrohet.
“Askush nuk i afrohet Lionel Mesit, më thoni kush? Kristiano është një golashënues. Iniesta është truri i futbollit. Salah, Kane, Mane, Hazard, Mbape të gjithë këta janë lojtarë fantastik, por Mesi i ka të gjithë karakteristikat e tyre së bashku. Nuk ka asnjë lojtar të nivelit të tij”- u shpreh Van Niselrooy, i pyetur se kush është lojtari më i mirë për momentin. /Elio Hajdari-Sport Ekspres/