Një moment i veçantë ka ndodhur në konferencën e trajnerit Southgate, teksa po fliste për Kombëtaren e Anglisë dhe përballjen me Shqipërinë. Përpara se të nisen për në Shqipëri, tekniku i “tre luanëve” dhe kapiteni Maguire kanë folur në vendin e tyre për përballjen e nesërme që do të zhvillohet në “Air Albania”.
Por teksa trajneri Southgate ishte duke kthyer përgjigje për pyetjet e gazetarëve, një reklamë shqiptare është vendosur në sfond duke shkaktuar jehonë: “E gjeni në faqen tonë të internetit, ne ju presim”. E këtë moment Southgate e ka kaluar me buzëqeshje, për të vazhduar më pas me përgjigjet e tij. /Sport Ekspres/