“Nëse Armando Broja do të vazhdojë në këtë formë, kur të shkojmë në aeroport do të krenohemi dhe do të them që vijmë nga vendi i Brojës”. Këto fjalë të thëna nga ana e trajnerit Alban Bushi në “Pressing” tregojnë saktësisht vlerat që mbart talenti i Kombëtares. Në transferimin e parë dhe provën e parë të vërtetë te Viteshe ka arritur që të shënojë 9 gola dhe të dhurojë 2 asist.
Statistikat flasin qartësisht për potencialin e sulmuesit adoleshent që ka rezultatin më të mirë në gjithë Europën. E fatmirësisht ky potencial i përket Shqipërisë. Por Armando Broja nuk kënaqet kurrë me veten e tij dhe është padyshim futbollisti shqiptar me ambicien më të madhe. Në një intervistë të fundit dhe rrëfim të rrallë që ka dhënë për “Goal”, Broja tregon:
“Nëntë gola dhe dy asistime është statistikë e mirë, por unë kurrë nuk jam i kënaqur. Dua të bëj më shumë gola dhe asistime. Kam luajtur mbi 1000 minuta dhe kam 11 kontribute në golat e shënuara. Nuk është keq, por dua më shumë. Dua të bëj më shumë. Ronaldo origjinali ishte i pabesueshëm, ndoshta sulmuesi më i mirë i të gjitha kohërave. Unë isha pak i ri për ta parë atë në TV, por pashë shumë nga videot e tij në YouTube. E dija që R9 erdhi në PSV, e dija që Suarez dhe Zlatan ishin në Ajax. Shumë sulmues kryesorë luajtën në Hollandë në sezonin e tyre të parë, kështu që mendova se ishte gjithashtu një vend i shkëlqyeshëm për të mësuar dhe zhvilluar”, është shprehur Broja.
Më pas talenti kuqezi ka treguar për kohën sesi iu bashkua futbollit për të shëtitur fushën me fanellat më të rëndësishme në Angli. Një skaut i Totenhemit kishte mbërritur për të parë një tjetër element në një turne, kur papritur shfaqet Armando Broja. Pas shkëlqimit të djaloshit në fushën e blertë, skauti ndryshojë menjëherë mendjen për të shkuar te prindërit e Brojës.
“Një skaut i Tottenham zbriti në një turne për të parë një tjetër lojtar, unë performova mirë, fitova vlerësimin si lojtari më i mirë dhe isha golashënuesi më i mirë. Skauti erdhi dhe foli me prindërit e mi dhe mua, dhe ata thanë:” Unë do të doja atë mundësinë nëse djali juaj do të donte që të provohej në Tottenham”. Kam pasur një seancë të vetme atje dhe shefi i akademisë tha që ata donin që unë të nënshkruaj. Kisha Fulham që më dëshironte edhe mua, por zgjodha Tottenhamin. Tottenham ka një rivalitet të madh me Chelsea. Unë zbrita në Cobham për të luajtur dhe mbaj mend që kam filluar në stol.
Mund ta kem mbështetur Chelsean dhe e kam dashur Chelsea, por gjithmonë kam dashur të luaj kundër tyre dhe t’i mund, kryesisht sepse doja të luaja për Chelsea. Për fat të keq, unë isha në stol dhe isha vërtet i zemëruar për këtë. Në atë kohë, vendimmarrësit e mëdhenj në Chelsea po shikonin ndeshjen, kështu që mendova nëse vij në skenë mund t’i bëj përshtypje. Drejtpërdrejt pasi erdha unë shënova një gol dhe ndihmova me një asist. Ne barazuam kundër ekipit “A”të Chelsea dhe më pas luajtëm kundër ekipit të tyre” B “dhe fituam 9-0. Kam bërë shtatë gola! Skautët e Chelsea erdhën dhe thanë se do të donin të më kishin si pjesë të tyre. Unë isha shumë i lumtur sepse mund të luaja për klubin që mbështesja. Isha si: “Po, unë dua të jem këtu; ky është klubi që dua”. Kam qenë në Chelsea nga Nën-9 deri më tani”, ka thënë Broja.
Momenti më i vështirë i lojtarit ishte periudha kur luante me U-18 e Chelseat. Në këtë kohë do të humbiste shumë besimin në veten dhe aftësitë e tij. Papritur vjen një ftesë nga Shqipëria U-19 që i ndryshoi tërësisht karrierën.
“Në vitin e parë të Nën-18 vjeç, kur isha 17 vjeç, nuk po kaloja sezonin më të mirë. Isha në stol dhe kur pata një shans, po luftoja. Kam shënuar dy gola gjatë gjithë sezonit, kështu që isha vërtet poshtë në aspektin psikologjik. Prindërit e mi po përpiqeshin të më ndihmonin dhe inkurajonin, por unë kisha humbur shumë besim. Edhe në trajnim, më mungonin goditjet, kështu që nuk luaja shumë.
Pastaj, unë pata një nxitje nga nëna dhe babai im që Shqipëria më kishte thirrur për të luajtur me ta në verë. Ishte U-19, kështu që mendova se do të ishte mirë të shkoja atje, të merrja një besim te një ekip tjetër me lojtarë të ndryshëm dhe hiqja mendjen time nga Chelsea”.
Ambiciet e Brojës nuk përfundojnë me kaq, teksa pasi ka patur mundësinë të takojë nga afër legjendat e Chelseat, tani kërkon që t’i tejkalojë ata.
“Më parë unë isha si:” Uau! Ky është Frank Lampard, [Didier] Drogba ose John Terry mu para meje. Më pëlqente të bëja fotografi me ta sepse doja të isha ata. Doja të isha në këpucët e tyre në nivelin e lartë. Tani po i afrohem moshës kur ata ishin duke luajtur, unë dua të provoj dhe ta tejkaloj Drogba. Mund të mos jetë e lehtë, por ky është mentaliteti im dhe si po ndihem”, përfundoi Broja. /Sport Ekspres/