Ceremonia e dhënies së çmimit të lojtarit më të mirë në botë (FIFA BEST PLAYER) do të mbahet në datën 17 dhjetor. Pasi galaja e Topit të Artë u anulua për këtë vit, sytë e të gjithë publikut janë pikërisht nga kjo ceremoni.
Fifa publikoi 11 të nominuarit, ku lista përfshin lojtarët e zakonshëm si Mesi, Ronaldo dhe Levandovski por edhe disa emra surprizë. Në këtë renditje ka vend edhe për futbollistë që nuk kanë qenë më parë si Tiago Alkantara dhe Sadio Mane. Lista e të nominuarëve nga FIFA për ceremoninë e lojtarit më të mirë në botë: Alkantara, Mbape, Nejmar, Levandovski, Mane, De Bryjne, Mesi, Ronaldo, Van Dijk, Ramos dhe Salah.
Sipas të gjitha gjasave fituesi do të jetë Robert Levandovski. Kompanitë e basteve e shikojnë si favoritë absolut, pasi polaku ka qenë një makineri golash në sezonin që kaloi si dhe fitoi trofeun e Champions League me Bajernin e Mynihut. /Elio Hajdari-Sport Ekspres/