Derbi Milan-Inter është shumë afër, por situata COVID-19 nuk e ka bërë aspak të lehtë këtë, pasi 5 lojtarë të Interi dhe dy të Milanit kanë dalë pozitivë me virusin pandemik. Për këtë arsye ende ka dyshime nëse kjo supersfidë do të luhet. Megjithatë në kampin kuqezi janë duke menduar për 3 pikët. Mbrojtësi i Milanit, Theo Hernandez ka deklaruar se skuadra e tij kërkon vetëm fitoren dhe objektiv të vetëm kanë Championsin.
“Tani jemi një Milan tjetër dhe mund t’ia dalim. Ndihemi më të fortë dhe në fakt jemi më të fortë. E dimë që nuk është një ndeshje dosido, por jemi më të qetë dhe më të bindur në forcat tona. Duhet të vrapojmë, të luftojmë dhe të bëjmë gjithçka për të fituar.
Jam i lumtur dhe jam këtu për t’u rikthyer në Ligën e Kampionëve me Milanin.
Ka një marrëdhënie të jashtëzakonshme mes nesh dhe trajnerit, ndaj e dimë që do të jetë e vështirë, por mund t’ia dalim. Nëse sigurojmë rikthimin në Champions, do të lyej flokët kuqezi.”,- u shpreh Theo Hernandez. /Elio Hajdari-Sport Ekspres/