Gareth Bale është kthyer! Futbollisti uellsian largohet nga Reali i Madridit për t’u kthyer sërish në shtëpinë e tij, te Tottenham. Me fanellën e klubit anglez sulmuesi 31-vjeçar mahniti të gjithë Europën dhe pas 6 viteve në Londër siguroi firmën me galaktikët.
Por tashmë Bale do të mund të ribashkohet me klubin që e bëri të njohur, pasi Tottenham-i ka arritur një marrëveshje për të sjellë në Premier League për një vit lojtarin. Skuadra e Jose Mourinho-s e ka zyrtarizuar këtë transferim ditën e sotme, duke e prezantuar sulmuesin në faqen e tyre zyrtare.
Në promon kushtuar këtij transferimi, shihet Bale i ulur përpara ekranit duke parë momentet e bukura që ka kaluar me Spurs-at. Momente të cilat do të përpiqet t’i shijojë sërish përgjatë këtij sezoni./Halit Delibashi-Sport Ekspres/
Bale. Is. Back.
Welcome home, @GarethBale11 ? #BaleIsBack ?? #COYS pic.twitter.com/iOIWC2ZwtC
— Tottenham Hotspur (@SpursOfficial) September 19, 2020