Është bërë publike lista e lojtarëve që Edoardo Reja ka zgjedhur të grumbullojë për të 2 ndeshjet e shtatorit në Ligën e Kombeve. Risi të reja vijnë në këtë listë. Janë 28 futbollistë që do të jenë në gatishmëri të trajnerit Italian kundër Bjellorusisë dhe Lituanisë, ndër të cilët 3 prej tyre vijnë për herë të parë me Kombëtaren A.
Qazim Laçi, Armando Broja dhe talenti 17-vjeçar i Interit, Ramen Çepele janë risitë për këto 2 takime. Në listë shihen gjithashtu edhe Marash Kumbulla apo Florian Kamberi, me këtë të fundit që pritet me kërshëri të debutojë në fushë. Ndërkohë mungon emri i Taulant Xhakës./Halit Delibashi-Sport Ekspres/
