Milani u përballë me Atalantën në ndeshjen e cila përfundoi me rezultatin 1-1. Kjo ndeshje ishte paksa e veçantë për kampin kuqezi që kërkonin medoemos hakmarrjen ndaj asaj humbje turpëruese 5-0 në fazën e parë. Megjithatë fitorja nuk është diçka që mund ta marresh lehtë ndaj Atalantës, të cilët treguan dhe njëherë që janë një “kockë e fortë” në Serinë A, duke i mohuar tre pikët Milanit.
Lojtari më i mirë i sfidës për kuqezinjtë ishte Donnaruma, i cili priti dhe penalltinë ndaj skuadrës së Atalantës. Njësoj në një ndeshje më parë, Zllatan Ibrahimoviç tregon dhe njëherë se mosha është thjesht një numër, pasi perfomancat e tij në fushën e lojës rriten ndeshje pas ndeshje. Nota e vlerësuar ndaj lojtarit ishte 7.7, ndërsa ajo e Donnarumës 7.9. /Sport Ekspres/
