Shtyrja e futbollit për shkakun e pandemisë dhe vazhdimi i tij në muajit e verës është një sfidë më vete që lidhet me temperaturat e larta. Kështu lojtarët duhet të përshtaten dhe të japin më të mirën e tyre në kushte të vështira, ku i nxehti është kundërshtari i parë.
Kukësi e gjeti zgjidhjen në këtë rast teksa do të luajë të gjitha ndeshjet e mbetura në mbrëmje. Një ndryshim ka edhe në përballjen e Kupës atje ku Bylisi do të përballet me Tiranën. Nëse më parë ishim mësuar me ndeshjet e nisura në orën 17:00, këtë herë do të kemi nisjen në 17:45 për të evituar sadopak rrezet e diellit. /Sport Ekspres/