Italianët duket se kishin një “uri” të madhe për futboll, teksa tifozët kanë pasur larg syve të tyre për afërsisht 3 muaj sportin numër 1 në Europë. Por pritja mori fund mbrëmjen e djeshme dhe rikthimi edhe me një përballje si Juventus-Milan, ku bardhezinjtë siguruan vendin në finalen e Kupës së Italisë.
Megjithëse ndeshja nuk dhuroi gola në fushën e lojës, sërish ia doli të mbërthente pas ekranit të televizorit plot 8 milionë e 277 mijë shikues. Kështu mediat përtej Adriatikut raportojnë për një “boom” shikueshmërie ky për “Rai 1”. Një shifër që ndryshe përkthehet në 34% të shikueshmërisë dhe që tregon qartë se sa kishte munguar futbolli në Itali./Halit Delibashi-Sport Ekspres/