Bylisi surprizon Teutën në “Adush Muça”, teksa e ndëshkon me një gol në ekstremet e ndeshjes. Pikërisht kur ndeshja ishte në paqe dhe dukej se barazimi do të ishte mënyra se si do të ndaheshin skuadrat, Goxhaj do të çonte topin në rrjetë dhe do të vendoste fatin e takimit.
Një fitore e marrë në minutën e 90 që i jep kështu shpresë mallakastriotëve për të gjetur rezultatet e munguara për këtë vit dhe të rikthehen në Bylisin e surprizave. Ballshiotët i lënë kështu vendin e play out-it kampionëve në fuqi të Partizanit, ndërsa vetë shkojnë në pozitën e 6 në tabelën e renditjes, ku më sipër shohin Teutën me vetëm 2 pikë më shumë./Halit Delibashi-Sport Ekspres/
Bylis: Hidi, Ntephe, Shkalla, Goxhaj, Ndreca, Ujka, Mëllugja, Murataj, Hadroj, Malçi, Mozzone.
Trajner: Veljko Dovedan
Teuta: Frashëri, Todorovski, Hoxha, Arapi, Kouros,Beqja, E. Vila, Kallaku, L. Vila, Gruda,Hebaj.
Trajner: Edi Martini