Talenti shqiptar, Leonardo Maloku, i ka ndodhur një surprizë aspak e këndshme. Nëpërmjet adresës në “Facebook” është shkruar në profilin e tij zyrtar se ishte i prekur nga Koronavirusi. Të shumta kanë qenë mesazhet e kurajos për këtë lojtar, për t’i dhënë forcë që ta kalonte këtë betejë.
Por gjithçka ka rezultuar jo e vërtetë. Nëpërmjet një reagimi në “Instagram”, Maloku shprehet se adresa e tij është vjedhur. Fatmirësisht futbollisti shqiptar nuk është prekur nga Koronavirusi, ndërsa shprehet se është i lodhur me gjëra të tilla, që nuk e njohin limitin dhe tallen në këtë mënyrë, duke e kaluar masën. Maloku ka luajtur me Peskarën, ndërsa së fundmi është pjesë e San Roque Lepe në Spanjë. /Sport Ekspres/
