Ideja e të ftuarit Partizanin e Beogradit në Prishtinë për të marrë pjesë në një turne në nder të legjendës Fadil Vokrri nuk është pritur aspak mirë nga tifogrupi “plisat”. Këta të fundit kanë reaguar në faqen e tyre zyrtare në “Facebook” ku shprehen kategorikisht kundër kësaj ideje, madje theksojnë se sa kenë jetë nuk do të lejojnë që Partizani i Beogradit të luajë në Prishtinë.
Sipas tyre do të ishte më e udhës që të ftoheshin klube nga trevat shqiptare, që do të sillte edhe bashkimin e pjesëve të ndryshme të Shqipërisë. Gjithashtu nuk kanë lënë pa përmendur edhe natë ne 14 tetorit në Beograd, ku Kombëtarja kuqezi vuajti rracizmin serb, me këtë të fundit që ende vazhdon të jetë prezent./Sport Ekspres/
