Meritan Shabani duket se e ka marrë vendimin sa i përket përfaqësueses që do të ketë në të ardhmen. Futbollisti i rritur në akademinë e Bajernit, u largua në merkaton e verës për të shkuar tek të rinjtë e Wolves.
Shqipëria e ka kërkuar prej kohësh këtë lojtar dhe ka qenë shumë pranë tij. Por Shabani do të përfaqësoj Kosovën, për të mbetur sërish në trevën shqiptare. Kjo është ajo që raporton “Indeksionline”, ndërsa alarmin e kishte dhënë edhe presidenti i FFK-së, Agim Ademi.
Sipas këtij të fundit, dardanët po përgatisnin pasaportat për disa lojtarë të rinjë që pritej t’i bashkoheshin Kosovës gjatë muajve të ardhshëm. Mes tyre ka shumë gjasa që të gjendet edhe emri i Meritan Shabanit. /Sport Ekspres/