LeBron Xhejms ka kaluar të madhin Majkëll Xhordan në renditjen e shënuesve më të mirë në historinë e NBA-së, pasi mbërriti në kuotën e 32,293 pikëve në sfidën mes Denver Nuggets e Los Angeles Lakers mbrëmjen e së mërkurës.
Një arritje e jashtëzakonshme për LeBron, i cili është rritur duke pasur si idhull pikërisht legjendarin Xhordan. Që para ndeshjes LeBron shkruante në Tëitter: “Me zor po përmbaj emocionet. Do jetë e pabesueshme!!”.
Xhejms e nisi ndeshjen duke pasur nevojë për 13 pikë që të realizonte misionin, ndërsa tani ka vetëm 3 legjenda përpara në renditje: Karim Abdul-Xhabar (38,387 pikë), Karl Malone (36,928) dhe Kobi Brajant (33,643).
The @Lakers congratulate @KingJames on becoming 4th all-time in career points! #LakeShow pic.twitter.com/Zgky3FO17e
— NBA (@NBA) March 7, 2019
Sipas udhëzimeve nga NBA, Lakers pritën deri në ndaljen e ndeshjes për të nderuar Xhejms, i cili mori një duartrokitje të zjarrtë nga gjithë publiku.
LeBron, tashmë 34 vjeç, është ndër të fundit basketbollistë aktivë që e kanë parë me sytë e vet Majkëll Xhordan kur ishte në kulmin e vet te Çikago Bulls. Xhordan fitoi 6 tituj në 8 vite me Bulls në vitet ’90 dhe LeBron e ka thënë shpesh se Xhordan “është më i madhi në histori”.
Xhordan luajti 1072 ndeshje në karrierën e vet në NBA, me 30.1 pikë për ndeshje, mesatarisht. Xhejms, i cili e nisi karrierën në NBA në moshën 18-vjeçare (3 vjet më i ri se Xhordan), ka zhvilluar 1190 ndeshje deri tani, në 16 sezone, duke pasur një mesatare pikësh prej rreth 27 të tilla për ndeshje.
Megjithatë, Xhejms nuk ka qenë kurrë i fokusuar te shënimi i pikëve, sepse është një lojtar skuadre, organizon, mbron dhe jep asiste, pa fund. Vetëm para 8 ditësh LeBron u ngjit në vendin e dhjetë në renditjen historike për asite, duke u bërë basketbollisti i parë në historinë e NBA-së që është në top10 si në renditjen e pikëve, ashtu edhe atë të asisteve.
With this bucket, @KingJames moves into 4th all-time on the #NBA scoring list!#NBAFantasypic.twitter.com/1qnTBHqD7o
— NBA Fantasy (@NBAFantasy) March 7, 2019