Lum Rexhepi është lojtari më i ri i Partizanit. Qendërmbrojtësi është zyrtarizuar sot nga klubi i kuq, pavarësisht se ndodhet prej disa ditësh në kampin e “Demave”, madje edhe u aktivizua në takimin kundër Dinamo Zagrebit.
Njoftimi i klubit:
Klubi njofton arritjen e marrëveshjes me Lum Rexhepin. Qendërmbrojtësi shtatlartë, i cili së fundmi ka qenë pjesë e
skuadrës së Kupës në kampionatin finnlandez, ka firmosur një kontratë deri në fund të këtij sezoni me të drejtë
rinovimi edhe për një tjetër vit me të kuqtë. 26 vjeçari i cili ka qenë pjesë e përfaqësueses së Kosovës u aktivizua
sot përgjatë 45 minutave të dyta në miqësoren që ekipi zhvilloi ndaj Dinamo Zagreb.
