Mbrëmjen e djeshme Diego Maradona ishte në stadium për sfidën vendimtare të Argjentinës kundër Nigerisë dhe ishte një spektakël me vete në tribunë, pasi kamerat e fokusonin shpesh, herë euforik e herë në ankth, derisa te goli i Rohos shpërtheu, duke u treguar gishtin e Mesit tifozëve kundërshtarë.
Pas ndeshjes legjenda argjentinase alarmoi të gjithë, sepse pati probleme shëndetësore dhe u pa duke u vizituar nga mjekët në ambientet e stadiumit.
Gjithsesi, vetë Maradona sot ka postuar një mesazh në Instagram, duke qetësuar të gjithë dhe duke sqaruar se nuk e ka kaluar natën në spital, ndërkohë që bëhej fjalë për luhatje tensioni dhe mbilodhje.
“Dua vetëm t’iu them se jam mirë, se nuk jam dhe nuk isha në spital. Gjatë pushimit të ndeshjes kundër Nigerisë pata dhimbje qafe dhe lodhje të tepruar fizike. Një mjek me këshilloi të kthehesha në hotel para pjesës së dytë, por nuk mund të largohesha, sepse po luanim të gjithë bashkë. Si mund të largohesha? Një puthje e një përqafim për të gjithë… Diego do jetë vërdallë edhe për ca kohë”.