Anglia ka luajtur sot miqësoren e fundit para Kupës së Botës duke mundur bindshëm 2-0 Kosta Rikën, në një sfidë ku sulmuesi Markus Rashford ishte spektakolar. Ai shënoi golin e parë të ndeshjes dhe mori pjesë në golin e dytë, shënuar nga zëvendësuesi Deni Uellbek.
Debutim i mirë edhe për të riun Trent Aleksandër-Arnold, ndërsa Delf ishte i shkëlqyer në mesfushë.
Në këtë mënyrë, Anglia niset për në Rusi me moralin në qiell, sepse nuk humbet prej një viti dhe skuadra duket e kompletuar, me lojtarë në moshë të re, por të gjithë të uritur dhe të talentuar.
Gjithsesi, Botërori është tjetër gjë, ndaj euforia është e ndaluar.