Sindrit Guri tashmë është “belg”, sepse pas kontrolleve mjekësore, sot në mesditë sulmuesi kuqezi ka hedhur firmën mbi kontratën që e lidh me Ostenden për 3 vitet e ardhshme.
Në ceremoninë e nënshkrimit ishte i pranishëm edhe presidenti i klubit, Peter Kallant. Në mbrëmje Ostende do të publikojë edhe intervistën e rastit me Gurin, i cili do të jetë në dispozicion të Kukësit vetëm për ndeshjen e fundit të sezonit me Flamurtarin, por është e qartë që tani e tutje prioritet është Ostende dhe zor se do të luajë edhe në javën e fundit.
