Igli Tare po përgatit shitjen e Vedat Muriqit në muajin janar. “Pirati“ rezultoi një dështim për bardhekaltrit, teksa shifra e majme për transferimin e tij nga Fenerbahçe nuk u justifikua për asnjë moment në fushën e lojës. Deri më tani në tryezën e Lacios ka mbërritur vetëm një ofertë. Bëhet fjalë për Hull City-n, i cili po luf.ton për mbijetesë në Championship-in anglez.
“Il Messaggero” raporton se klubi në fjalë është i gatshëm të blejë përfundimisht kartonin e Muriqit në fund të sezonit për shifrën e 10 milionë eurove. Sigurisht që kjo nuk është shuma e shpenzuar për të nga Lacio, por mbetet alternativa e vetme. Megjithatë dëshira e vetë sulmuesit shqiptar është rikthimi në Turqi, prandaj menaxheri i tij po përpiqet të sjellë interesime nga Stambolli./Halit Delibashi-Sport Ekspres/