Barcelona është zyrtarisht kampione e La Ligas. Katalanasit kanë fituar sot titullin kampion pas fitores me shifrat 2-4 në derbin kundër Espanjolit. Robert Levandovski tundi rrjetën në minutën e 11 të ndeshjes, ndërsa në minutën e 40 shënoi edhe golin e tij të dytë personal. Ndërkohë, po në pjesën e parë, e ndal topin në rrjetë edhe Balde.
Pak minuta pas fillimit të pjesës së dytë, Kunde shënon të katërtin për Barçën, që hipotekon fitoren në derbi. Espanjoli kundërpërgjigjet me Puadon në minutën e 73-të dhe Zhozelun në minutën e 92-të, por golat vlejnë vetëm për statistikë. Në fund festa është e gjitha e Barcelonës./Halit Delibashi-Sport Ekspres/
? CAMPEOOOONEEEES CAMPEEEEEEONEEEES ? pic.twitter.com/ZHkg8JoJYk
— FC Barcelona (@FCBarcelona_es) May 14, 2023