Bashkia e Shkodrës i ka dhënë dritën jeshile privatizimit të ekipit Vllaznia. Ishin 39 vota pro që vendosën për vazhdimin e ditëve të mira për shkodranët që këtë sezon e kanë nisur si një nga skuadrat pretendente për vendet e larta në Superiore, ndryshe nga historitë e sezoneve të fundit.
Kështu në ankand do të dalin 100% e aksioneve të klubit, me vlerën që është lënë rreth 508 milionë lekë të vjetëra. Ashtu siç raporton edhe “Top Channel” ka pasur këshilltarë që nuk kanë rënë dakort me këtë çmim, por nga ana tjetër blerësi ka të tjera detyrime që duhet të marrë përsipër për të paguar dhe për këtë arsye shifra është konsideruar e llogjikshme. /Sport Ekspres/