Ndeshja Empoli-Leçe ka nisur një orë më vonë se sa ishte planifikuar. Shkak është bërë një incident i ndodhur në stadium. Lojtarët fillimisht kanë ndjerë një erë djegieje në dhomat e zhveshjes një orë përpara nisjes së takimit. U zbulua se kishte ndodhur një qark i shkurtër në sistemin elektrik, çka solli më pas një zjarr të vogël, i cili u përhap me shpejtësi.
Në stadium mbërriti shpejt zjarrfikësja, e cila evakuoi me sukses lojtarët. Situata u vu e gjitha nën kontroll dhe ndeshja u vendos të niste 60 minuta më vonë nga sa ishte planifikuar. Skuadrat hynë në fushë në orën 19:30, kur edhe nisën përballjen mes tyre./Halit Delibashi-Sport Ekspres/
Rinviata #EmpoliLecce: principio di incendio al Castellani ?
Si attendono notizie definitive: posticipo di un’ora o più, si attende la decisione ufficiale ?#SerieATIM #DAZN pic.twitter.com/cyZuQqUiKO— DAZN Italia (@DAZN_IT) April 3, 2023