Punimet në Kompleksin Sportiv Partizani vazhdojnë të kryhen, për ta sjellë këtë të fundit në trajtën përfundimtare. Klubi kryeqytetas ka shfaqur për të gjithë ndjekësit e vetë pamje nga ambientet e shtëpisë së tyre të ardhshme. Më konkretisht, në faqen zyrtare të Partizanit në “Instagram” janë publikuar pamje nga dhomat e zhveshjeve.
Këto të fundit janë në punim e sipër dhe nuk kanë dalë ende në formën finale, ndërsa pritet që brenda një kohe të shkurtër gjithçka të jetë gati dhe Partizani të nisë stërvitjet në kompleksin e tyre sportive më të ri./Sport Ekspres/