Anis Mehmeti është mes atyre emrave që po spikasin në Angli. Futbollisti shqiptar ka realizuar një gol brilant në ndeshjen që Bristol Rovers po zhvillon kundër Plyoumuth. Ndeshja po vazhdon në shifrat 3-0, teksa të tre golat kanë ardhur nga Mehmeti.
Në golin e parë ka dhënë një asist, ndërsa në golin e dytë, tregoi të gjitha cilësitë e tij duke realizuar në perfeksion nga distanca për të gjetur cepin e rrjetës. Gjithashtu Mehmeti realizoi edhe golin e tretë, duke iu shmangur bukur kundërshtarëve për të gjetur rrjetën. E kemi thënë edhe më parë që nëse flasim për cilësitë teknike dhe driblimet, Anis Mehmeti vjen i dyti pas Armando Brojës te Shqipëria.
Por këtij lojtari i ka munguar vazhdimësia te Bristoli në Championship duke shkëlqyer për një kohë dhe u ulur në stol për ndeshje të tjera. Për fat të mirë, Mehmeti e ka gjetur vazhdimësinë në Angli dhe nëse vazhdon në këtë mënyrë, nuk do të mungojë ftesa e Kombëtares për të. /Sport Ekspres/