Portugalia është duke humbur me shifrat 1-0 kundër Belgjikës dhe një rezultat i tillë padyshim që ka sjellë nerva jo të qeta në radhët e luzitanëve. Pepe nuk e harron zakonin e vjetër dhe gjatë lojës shfryn nervat e tij te Torgen Hazard.
Pak më parë Lukaku kishte pësuar një goditje në kokë dhe ishte i shtrirë përtokë, duke kërkuar kështu ndihmë mjekësore. Arbitri i fryn bilbilit për të ndalur lojën, por lojtarët belgë vazhdojnë të luajnë me topin ndër këmbë. Kjo nuk i ka pëlqyer Pepes që menjëherë shkon e bën një ndërhyrje në stilin e tij dhe përplas në tokë Hazardin.
Një episod i tillë ka sjellë edhe përplasje mes futbollistëve të të dyja skuadrave, ndërsa gjyqtari kryesor ka ndërhyrë duke ndëshkuar mbrojtësin portugez me karton të verdhë./Halit Delibashi-Sport Ekspres/
https://twitter.com/BaraFotboll/status/1409251038499069958