Rregullat janë bërë për t’u thyer, madje, kënaqësia shtohet më tepër në këtë mënyrë. Është ky rregulli i tifozëve besnik të ekipeve që e ndjekin gjithmonë në stadium për t’i ardhur në mbështetje futbollistëve të qytetit, shpeshherë duke u përplasur edhe me rendin.
Në Kosovë vazhdohet që të ketë shtime të mëdha të rasteve që rezultojnë pozitiv me Koronavirus, por tifozët nuk ndalen me kufizimet e vendosura. Pasi Drita është shpallur kampion në një garë të fortë mes tre ekipeve, “Intelektualët” e kanë djegur vendin me festimet e tyre duke brohoritur pa pushuar në asnjë sekondë të vetme, me videon nga “Gazeta Olle” që mund ta shihni më poshtë. /Elio Hajdari-Sport Ekspres/